KiwiLathams

Ig bi mig grad vo der bloede Schweinegrippe am erhole (ke Witz!!) und ha denkt ig muessi unbedingt no es paar Foeteli vo uesne “Winterferie” druflade. Mir si fuer fasch 1 Wuche z’Queenstown gsi, das isch uf dr Suedinsle vo Neuseeland (4 Std. fluege). Uesi Fruende vo Suedafrika wone itze dert und mir si bi ine ghuset und si hei o zu de Buebe gluegt wo Dave und ig si ga schiifare. Hie es paar Iidrueck vo uesne Ferie:

Am Luca si erschti Schneemah!! Het er sich druf gfreut!! Mir si scho in Auckland es Ruebli und Roehselichoel ga choufe und hei extra e alti Chappe mitgno fuer de luschtig Schneemah.

Wo mier d’Schlitte gmietet hei, heisi druf bestande, dass mr muesse e Helm ahlege… we di gwuesst hette wi mier albe d’Ramslouene ache gfreeset si und id Matratze ade Boeim ine kesslet si oder no schlimmer… am Boum verbii grad itz Waeldi ache wemer hei Pech kah…uff, si das no Zyte gsi…

Nach 10 Jahr hani endlich umi einisch mi alt Schuelkolleg, dr Mueller Roele gseh!! Isch super gsi ihn umi einisch z’traeffe und ueber die alte Zyte z’referiere… Danke fuer alles Roele!

Little Luca was a champion on the skies!! He was a little disappointed though as Pingu seemed to find it a lot easier than him, being on skis… Cute…!!

Dr Luca isch ire chline Schiischuel gsi fuer 4 Jaehrigi. Si hei wine Chindergarte ka miteme Gaertli hinder usse mitemne chline Schiiliftli, so haerzig! Er isch e richtige Champion gsi uf de Schii, aber isch leider e chli enttuescht gsi weller gmeint het dr Pingu heigi o nid muesse uebe und eifach eso choenne schiifare, ohni oeppis… und am naechste Tag het Luca du gseit er tuegi lieber afe snowboarde, das sigi sicher eifacher…

Queenstown isch eifach es Troeimli vomne Doerfli! Es isch eso herrlich wis bout isch, vorallem wills amne See isch und eso wunderschoeni Schneebaerge rund um het. Es isch eifach schoen dert…

Das isch mini Fruendin d’Andrea vo Suedafrika vo itze in Queenstown wohnt. Hie mit irem Mah dr Ricky und die beidi Chind dr Kheelan and Ayla – di zwei si beschti Fruende worde mit Luca, es isch herrlich gsi! Thanks for everything!!!

Just wanted to apologise for the Swiss German text – I guess you can gather the main gist of things – I have been getting a lot of slack from friends and family for always writing in English, so now I decided to alternate a little… sorry guys…