Feb 26 2009
Bsuech vom Mami
Mis Mami isch endlich üs mal uf Neuseeland cho bsueche!!!! Es isch eifach herrlich u wunderschön gsi eso intensiv 3 Wuche mite ihre dörfe z’erläbä. Dr Flug isch besser als erwartet gange und si het iri Zyt hie sehr gnosse, vorallem dass si mit de Grossbüebeni het chöne zämä si. Dr Luca het viel mit sim Grosi wellä spile und dr Sascha het si “Aabeschoppe” vom Grosi übercho… Itze vermisse mier z’Mami / z’Grosi höllisch u hoffe si chömi de gli wider esmal.
Hie es paar Iidrück und Erläbnis vo dänä schöne 3 Wuche:
Spaziergang in Mission Bay mit Vulkan Rangitoto im Hintergrund und Fototermin mitem Grosi bi üs dehiime.
Zum Bsuech bim “andere” Grosi in Warkworth (ca. 1 Std. von Auckland)
Eine vo üsne Lieblingsstränd – Scott’s Landing – es isch e unvergässlich schöne Tag gsi!
In Rotorua, im aktivschte, Geothermische Gebiet vo Neuseeland. Links dr Geiser “Lady Knox” wo z’Wasser bis zu 20m Höch uechä sprützt (einmal am Tag). Und rechts dr “Champagner-See” wo vom ganze Schwäfel ganz verfärbt isch und zudäm fasch chochet. Es isch hölle iidrücklich gsi, vorallem will z’Mami no nie eso öppis gseh het!
Guguuseli !! Dert z’oberscht si mr am winkä!! Ir gröschte Kiwi vor Wält!
Uf üsem Spaziergang in Mount Maunganui (Rundgang ume Vulkan)
Am Mami sim Geburtstag u letschtä Tag bi üs. Mir hei e unvergässliche Tag kha. Als Überraschig si mr im Hotel Langham ga “High Tea” ha und am Aabe im Auckland Viadukt (I mim lieblings Restaurant) ga z’Nacht ässe. Dernah simmer no chli ar Marina entlang ga spazierä und hei di grosse Yachte u Sägelschiff bestunet (unter anderem am Bertorelli/Alingi sini!).
Mami, es isch eso herrlich gsi und mir vermisse Dig so fescht!!! Chum gli umi!
Comments Off
